બાવળા પંથકમાં ફરી મેઘરાજાની ધમાકેદાર એન્ટ્રી!

બાવળા પંથકમાં ફરી એકવાર મેઘરાજાએ ધમાકેદાર એન્ટ્રી કરી છે. ગત સાંજથી વાતાવરણમાં પલટો આવ્યા બાદ રાત્રિના સમયે હળવા ઝાપટાં પડ્યા હતા. ત્યારબાદ આજે બપોરે ૧૨ વાગ્યાના અરસામાં અચાનક ધોધમાર વરસાદ શરૂ થતાં સમગ્ર પંથક પાણીથી તરબતર થઈ ગયો હતો.

વરસાદ ખેંચાતા ખેડૂતો ચિંતામાં મુકાયા હતા, ત્યારે આજે વરસેલા સારા વરસાદથી ખેડૂતોના ચહેરા પર ફરી ખુશી જોવા મળી છે. સારા વરસાદથી ખેતી માટે પણ આશાનું કિરણ જાગ્યું છે.

ધોધમાર વરસાદના પગલે સમગ્ર બાવળા પંથકમાં ઠંડક પ્રસરી ગઈ હતી. મેઘરાજાની મહેરથી ખેડૂતો સહિત સ્થાનિક લોકોમાં પણ રાહતની લાગણી છવાઈ છે.