વિરમગામ સુપર માર્કેટ વિસ્તારમાં વરસાદ બાદ કાદવનું સામ્રાજ્ય, દુકાનદારો અને ગ્રાહકો પરેશાન

વિરમગામના સુપર માર્કેટ વિસ્તારમાં વરસાદી પાણી તો ઓસર્યા છે, પરંતુ દુકાનોની બહાર કાદવના કારણે દુકાનદારો અને ગ્રાહકોને ભારે મુશ્કેલીનો સામનો કરવો પડી રહ્યો છે. દુકાનો સુધી પહોંચવા માટે ચાલવાનો યોગ્ય માર્ગ ન હોવાથી રોજિંદા વેપાર પર પણ અસર પડી રહી છે.
સ્થાનિક દુકાનદારોએ જણાવ્યું કે વરસાદ બાદ સફાઈ અને કાદવ દૂર કરવાની કામગીરી સમયસર ન થતાં હાલાકી વધી છે. તેમણે પાલિકાના સંબંધિત તંત્રને તાત્કાલિક સફાઈ કરાવી કાદવ દૂર કરવાની અને લોકો માટે અવરજવર સરળ બને તેવી વ્યવસ્થા કરવાની માંગ કરી છે.