ದೇವದುರ್ಗದ ನೂತನ ರಕ್ತ ನಿಧಿ ಕೇಂದ್ರಕ್ಕೆ ಸಂಸದ ಕುಮಾರ್ ನಾಯಕ ಭೇಟಿ - ಯುವ ಮಿತ್ರ ವಿಶ್ವನಾಥ್ ಕೋರಿ ಕಾರ್ಯ ಶ್ಲಾಘನೀಯ ಎಂದ ಸಂಸದ

ದೇವದುರ್ಗ ನಗರದ ನೂತನ ರಕ್ತ ನಿಧಿ ಕೇಂದ್ರಕ್ಕೆ ಸಂಸದ ಕುಮಾರ್ ನಾಯಕ ಭೇಟಿ*

*ದೇವದುರ್ಗ:* ನಗರದಲ್ಲಿ ನೂತನವಾಗಿ ಪ್ರಾರಂಭವಾದ 'ದೇವದುರ್ಗ ರಕ್ತ ನಿಧಿ ಕೇಂದ್ರ'ಕ್ಕೆ ಇಂದು ಸಂಸದ ಕುಮಾರ್ ನಾಯಕ ಅವರು ಭೇಟಿ ನೀಡಿದರು.

ನಂತರ ಮಾತನಾಡಿದ ಅವರು, "ತುರ್ತು ಸಂದರ್ಭಗಳಲ್ಲಿ ಮನುಷ್ಯರಿಗೆ ಅಗತ್ಯವಾಗಿರುವ ರಕ್ತವು ಈ ಪ್ರದೇಶದಲ್ಲಿ ದೊರೆಯುತ್ತಿರಲಿಲ್ಲ. ಈ ಅಭಾವವನ್ನು ನೀಗಿಸಲು ಯುವ ಮಿತ್ರ ವಿಶ್ವನಾಥ್ ಕೋರಿ ಅವರು ಮಾಡಿರುವ ಕಾರ್ಯ ಶ್ಲಾಘನೀಯ" ಎಂದರು.

ರಕ್ತ ನಿಧಿ ಕೇಂದ್ರದಲ್ಲಿರುವ ಎಲ್ಲಾ ಪರಿಕರಗಳನ್ನು ವೀಕ್ಷಿಸಿ ಯುವ ಮಿತ್ರರಿಗೆ ಶುಭಾಶಯ ಕೋರಿದರು. ಈ ಸಂದರ್ಭದಲ್ಲಿ ಅವರು ತಮ್ಮನ್ನು ಆತ್ಮೀಯವಾಗಿ ಸನ್ಮಾನಿಸಿ ಪರಮಪೂಜ್ಯ ಶ್ರೀ ಸಿದ್ದೇಶ್ವರ ಸ್ವಾಮೀಜಿಯವರ ಪುಸ್ತಕಗಳನ್ನು ನೀಡಿ ಗೌರವಿಸಿದರು.

ಈ ಸಂದರ್ಭದಲ್ಲಿ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷರಾದ ಶ್ರೀ ಕೆ. ಶಾಂತಪ್ಪ, ಕಾಂಗ್ರೆಸ್ ಮುಖಂಡರಾದ ಶ್ರೀ ರಾಜಶೇಖರ್ ನಾಯಕ್, ಶ್ರೀ ಜಯಂತರಾವ್ ಪತಂಗೆ, ಶ್ರೀ ಶರಣಗೌಡ ಸೇರಿದಂತೆ ಅನೇಕ ಮುಖಂಡರು ಉಪಸ್ಥಿತರಿದ್ದರು