સુરતમાં દિવાળી બજારોમાં ભીડ, ચૌટા બજારમાં ચોરીની ઘટનાઓમાં વધારો

દિવાળીના તહેવારો નજીક આવતા જ સુરત શહેરના બજારોમાં ગ્રાહકોની ભારે ભીડ ઉમટી રહી છે. ખાસ કરીને મહિલાઓની ખરીદી માટે જાણીતા ઐતિહાસિક અને પ્રખ્યાત ચૌટા બજારમાં પગ મૂકવાની પણ જગ્યા ન રહે તેવો માહોલ જોવા મળી રહ્યો છે.

ચૌટા બજારમાં ભીડભાડની સ્થિતિને કારણે ખરીદદારોને સગવડતા મળતી નથી, અને આ ભીડભાડનો ગેરલાભ ઉઠાવીને તસ્કરો અને ખિસ્સાકાતરુઓ સક્રિય બની રહ્યા છે. તેઓ મોબાઈલ ફોન સહિત કિંમતી સામાનની ચોરીને અંજામ આપે છે.

સુરત પોલીસ અધિકારીઓએ બજારોમાં વધતી ભીડને ધ્યાનમાં રાખીને સુરક્ષા ઉપાયો વધારવાની જરૂરિયાત પર ભાર મૂક્યો છે, જેથી ખરીદદારોને સુરક્ષિત ખરીદીનો અનુભવ મળી શકે.