తణుకు సబ్ జైలును సందర్శించిన సీనియర్ సివిల్ జడ్జి శ్రీలక్ష్మి

తణుకు సబ్ జైలును ఉమ్మడి గోదావరి జిల్లాల న్యాయ సేవాధికార సంస్థ కార్యదర్శి, సీనియర్ సివిల్ జడ్జి ఎన్. శ్రీలక్ష్మి బుధవారం సందర్శించారు. ఈ సందర్భంగా ఆమె రిమాండ్ ఖైదీల కేసుల వివరాలను తెలుసుకున్నారు.

ఖైదీలకు అందుతున్న ఆహారం, వసతి, వైద్య సదుపాయాలపై జడ్జి శ్రీలక్ష్మి ఆరా తీశారు. జైలు పరిస్థితులను ఆమె పరిశీలించారు.

ఖైదీలందరూ తమ తరఫున న్యాయస్థానంలో వాదించేందుకు న్యాయవాదిని ఏర్పాటు చేసుకోవాలని ఈ సందర్భంగా ఆమె సూచించారు. న్యాయ సహాయం పొందడం వారి హక్కు అని ఆమె గుర్తు చేశారు.