રાજકોટ રેલવે ડિવિઝન દ્વારા સ્ક્રેપની હરાજીમાં રૂ. 7.09 કરોડનું વિક્રમી વેચાણ

રાજકોટ રેલવે ડિવિઝને 13 ઑક્ટોબરના રોજ યોજાયેલી એક જ હરાજીમાં રૂ. 7.09 કરોડના સ્ક્રેપનું વિક્રમી વેચાણ કરી નવો રેકોર્ડ નોંધાવ્યો છે. ચાલુ નાણાકીય વર્ષ 2026-27માં અત્યાર સુધીમાં ડિવિઝન દ્વારા કુલ રૂ. 22.65 કરોડના સ્ક્રેપનું વેચાણ કરવામાં આવ્યું છે. સિનિયર ડિવિઝનલ કમર્શિયલ મેનેજર સુનીલ કુમાર મીનાના જણાવ્યા મુજબ, આ બંને આંકડા ડિવિઝનના ઇતિહાસમાં સર્વોચ્ચ છે. પારદર્શક ઇ-હરાજી અને અસરકારક સંસાધન વ્યવસ્થાપનથી આ સફળતા મળી છે. ડિવિઝનલ રેલવે મેનેજર ગિરિરાજ કુમાર મીનાએ આ સિદ્ધિને કાર્યક્ષમ સંચાલનનું પરિણામ ગણાવ્યું હતું.