રાજ્ય ચૂંટણી આયોગ દ્વારા મહિયલ બૂથની મતદાર યાદી સુધારણા કાર્યક્રમ હેઠળ મુલાકાત..

સાબરકાંઠામાં-:
રાજ્ય ચૂંટણી આયોગ ગુજરાત દ્વારા આયોજિત 'મતદાર યાદી સુધારણા કાર્યક્રમ–૨૦૨૬' અંતર્ગત તલોદ તાલુકાના મહિયલ બૂથ ખાતે એક સમીક્ષા મુલાકાત યોજાઈ હતી.આ મુલાકાતનો મુખ્ય ઉદ્દેશ્ય મતદાર યાદીમાં જરૂરી સુધારા-વધારા,નવા મતદારોની નોંધણી અને અન્ય સંબંધિત કામગીરીનું સ્થળ પર નિરીક્ષણ કરવાનો હતો..

આ મુલાકાત દરમિયાન, અધિકારીઓએ બૂથ પર ચાલી રહેલી કામગીરીનું ઝીણવટપૂર્વક નિરીક્ષણ કર્યું અને સંબંધિત કર્મચારીઓને જરૂરી માર્ગદર્શન પૂરું પાડ્યું. આ કાર્યક્રમ દ્વારા મતદાર યાદીને વધુ સચોટ અને અદ્યતન બનાવવાનો પ્રયાસ કરવામાં આવી રહ્યો છે..

લોકશાહીના પાયાને વધુ મજબૂત બનાવવા અને દરેક પાત્ર નાગરિકનો મતદાર યાદીમાં સમાવેશ થાય તે સુનિશ્ચિત કરવા માટે આ કાર્યક્રમ અત્યંત મહત્વપૂર્ણ છે. અધિકારીઓએ ૧૮ વર્ષ પૂર્ણ કરનાર તમામ યુવા મિત્રો અને નાગરિકોને પોતાના મતાધિકારની નોંધણી કરાવી લોકશાહીના આ મહાપર્વમાં સહભાગી થવા અનુરોધ કર્યો.