માધવપુરામાં કાયદાના સંઘર્ષમાં આવેલ કિશોર પાસેથી વિદેશી દારૂ અને મુદ્દામાલ ઝડપાયો

ગત તા. 25/09/2026 ના રોજ માધવપુરા જૈન ટ્રાવેલ્સ એન્ડ કાર્ગોની ઓફિસ પાસેથી પસાર થઈ રહેલા કાયદાના સંઘર્ષમાં આવેલ એક કિશોરને પોલીસે અટકાવ્યો હતો. તેની પાસેથી ભારતીય બનાવટના વિદેશી દારૂની 180 ml ની કુલ 576 બોટલો મળી આવી હતી, જેની કિંમત રૂપિયા 72,000/- આંકવામાં આવી છે.

પોલીસે વધુ તપાસ કરતાં કિશોર પાસેથી એક મોબાઇલ ફોન જેની કિંમત રૂપિયા 50,000/- અને એક એકટીવા જેની કિંમત રૂપિયા 40,000/- મળી આવી હતી. આમ, પોલીસે કુલ રૂપિયા 1,62,000/- ની કિંમતનો મુદ્દામાલ જપ્ત કર્યો છે.

આ ઘટનામાં પોલીસે બે આરોપીઓને વોન્ટેડ જાહેર કર્યા છે અને તેમની શોધખોળ શરૂ કરી છે. આ મામલે પોલીસે વધુ તપાસ હાથ ધરી છે અને આ દારૂ ક્યાંથી આવ્યો અને કોને પહોંચાડવાનો હતો તે દિશામાં તપાસ કેન્દ્રિત કરી છે.