ભચાઉ તાલુકાના નારણસરીમાં ગેરકાયદે રેતી વોશિંગ પ્લાન્ટ પર દરોડા, 3 કરોડનો મુદ્દામાલ જપ્ત

ભચાઉ તાલુકાના નારણસરીમાં ગેરકાયદે રેતી વોશિંગ પ્લાન્ટ પર દરોડા, 3 કરોડનો મુદ્દામાલ જપ્ત પરવાનગી વિના ચાલતા ગેરકાયદે રેતી વોશિંગ પ્લાન્ટ પર વહીવટી તંત્ર અને ખાણ-ખનીજ વિભાગે સંયુક્ત દરોડો પાડ્યો.કચ્છ કલેક્ટરની સૂચના બાદ મદદનીશ કલેક્ટર અને સબ ડિવિઝનલ મેજિસ્ટ્રેટ ભચાઉની ટીમે નારણસરી ગામે આકસ્મિક તપાસ કરી. તપાસ દરમિયાન પ્લાન્ટ ગેરકાયદે ચાલતો હોવાનું ખુલ્યું.તંત્રએ સ્થળ પરથી હિટાચી, ડમ્પર, ટ્રક અને કોંક્રિટ મિક્સર સહિત અંદાજે રૂ. 3 કરોડનો મુદ્દામાલ જપ્ત કર્યો. ગેરકાયદે ખનન અને રેતી ધોવાના કામ બદલ કાયદેસરની કાર્યવાહી હાથ ધરવામાં આવી છે. પર્યાવરણને નુકસાન કરતા એકમો સામે વધુ કડક પગલાં લેવાની તંત્રની ચેતવણી.