અમદાવાદ ગ્રામ્ય: સ્ટેટ મોનીટરીંગ સેલે બાવળા પાસેથી ૪ કિલોથી વધુ એંબરગ્રીસ ઝડપી પાડી

સ્ટેટ મોનીટરીંગ સેલની ટીમે બાતમીના આધારે કાર્યવાહી કરતા અમદાવાદ ગ્રામ્યના બાવળા પોલીસ સ્ટેશન વિસ્તારમાંથી મોટી માત્રામાં એંબરગ્રીસનો જથ્થો પકડી પાડ્યો છે. આ ઝડપાયેલા એંબરગ્રીસનું વજન ૪ કિલો અને ૩૫૪ ગ્રામ જેટલું છે, જેની અંદાજિત કિંમત રૂપિયા ૪ કરોડ ૩૫ લાખ ૪૦ હજાર રૂપિયા આંકવામાં આવી છે.

આ કાર્યવાહી બાવળા પોલીસ સ્ટેશનની હદમાં કરવામાં આવી હતી. સ્ટેટ મોનીટરીંગ સેલની સતર્કતા અને ચોક્કસ બાતમીના કારણે આ મોટી સફળતા મળી છે. એંબરગ્રીસ એ વ્હેલ માછલીની ઉલ્ટી હોવાનું કહેવાય છે અને તેની આંતરરાષ્ટ્રીય બજારમાં ખૂબ ઊંચી કિંમત હોય છે.

પોલીસે આ મામલે વધુ તપાસ હાથ ધરી છે અને આ એંબરગ્રીસ કોના દ્વારા લાવવામાં આવી હતી અને તેનો આગળ શું ઉપયોગ થવાનો હતો તે દિશામાં તપાસ કેન્દ્રિત કરી છે. આટલા મોટા જથ્થામાં એંબરગ્રીસ ઝડપાતા વન વિભાગ અને અન્ય સંબંધિત એજન્સીઓને પણ જાણ કરવામાં આવી છે.