સુરત ગ્રામ્ય SOGએ પેરોલ પરથી ફરાર આરોપીને પકડ્યો

સુરત ગ્રામ્ય SOGએ મર્ડર કેસના ફરાર આરોપીને પકડી પાડ્યો છે. આ આરોપી પેરોલ રજા પરથી છૂટ્યા બાદ જેલમાં પાછો ફર્યો ન હતો. સુરત ગ્રામ્ય વિસ્તારમાં ગુનાખોરી રોકવા અને પેરોલ કે વચગાળાની રજા પરથી ભાગી ગયેલા આરોપીઓને પકડવા માટે ઉચ્ચ અધિકારીઓએ ખાસ સૂચનાઓ આપી હતી.

આ સૂચનાના આધારે, SOG શાખાના પોલીસ ઇન્સ્પેક્ટર એલ.ડી. ઓડેદરા અને પોલીસ સબ ઇન્સ્પેક્ટર એ.ડી. સાંબડની ટીમ પેટ્રોલીંગ કરી રહી હતી.

તે દરમિયાન, SOG શાખાના ASI કિરણસિંહ લક્ષ્મણસિંહ અને પોલીસ કોન્સ્ટેબલ સાગરભાઇ મગનભાઇને બાતમી મળી હતી. આ બાતમીના આધારે, માંગરોળ તાલુકાના કોસંબા ગામમાં વિજયસ્ટોરની ગલીમાં આવેલી દાઉજી બિલ્ડીંગના બીજા માળેથી આરોપીને પકડી લેવામાં આવ્યો.