અમદાવાદની SMS હોસ્પિટલમાં સગા અને સિક્યુરિટી વચ્ચે મારામારી

અમદાવાદના ચાંદખેડા વિસ્તારમાં આવેલી SMS હોસ્પિટલમાં દર્દીના સગા અને હોસ્પિટલના સિક્યુરિટી કર્મચારીઓ વચ્ચે ઉગ્ર બોલાચાલી થઈ, જે બાદ મારામારીની ઘટના સામે આવી છે.

આ ઘટનામાં 4 દર્દીના સગાઓએ આક્ષેપ કર્યો છે કે નાની બાબતે થયેલા વિવાદ બાદ સિક્યુરિટી કર્મચારીઓએ લાકડીઓ વડે હુમલો કર્યો. આ હુમલાને કારણે હોસ્પિટલના પરિસરમાં અફરાતફરીનો માહોલ સર્જાયો હતો.

ઘટનાની જાણ થતાં પોલીસની બે ગાડીઓ તાત્કાલિક સ્થળ પર પહોંચી હતી અને ભારે જહેમત બાદ પરિસ્થિતિ કાબૂમાં લીધી હતી.