ભારતમાં પ્લાસ્ટિક કરન્સીનો ટ્રાયલ શરૂ, RBI દ્વારા મંજૂરી મળી

ભારતીય રિઝર્વ બેંક (RBI) દ્વારા ભારતમાં કાગળની નોટોના સ્થાને પ્લાસ્ટિક (પોલીમર) કરન્સી લાવવાની તૈયારીઓ તેજ કરી દેવામાં આવી છે. કેન્દ્ર સરકારે ₹10 અને ₹20ની 100-100 કરોડ પોલીમર નોટના ફિલ્ડ ટ્રાયલને મંજૂરી આપી દીધી છે. આ નોટો ભેજ, ગંદકી અને ઘસારા સામે વધુ ટકાઉ હશે, જે તેને કાગળની નોટોની તુલનામાં વધુ લાભદાયક બનાવે છે.

આ નોટોની ખાસિયત એ છે કે નકલી નોટો બનાવવી અત્યંત મુશ્કેલ છે. રોજિંદા વ્યવહારમાં સૌથી વધુ વપરાતી ₹10 અને ₹20ની નોટોથી આ ટ્રાયલ શરૂ કરવામાં આવી રહ્યો છે, જેનાથી લોકોના રોજિંદા જીવનમાં સરળતા આવશે.

હાલમાં, નવી નોટો કાગળની ચલણી નોટોની સાથે જ વ્યવહારમાં ચાલશે. જૂની કાગળની નોટો તુરંત બંધ નહીં કરાય, અને ફિલ્ડ ટ્રાયલના પરિણામો બાદ જ કાયમી ધોરણે પ્લાસ્ટિક નોટો બહાર પાડવા નિર્ણય લેવાશે.