रत्नागिरीत दीड दिवसांच्या गणरायाचे विसर्जन आज, उत्सवात बाजारपेठांमध्ये गर्दी

दीड दिवसांच्या गणरायाची प्रतिष्ठापना सोमवारी रत्नागिरी जिल्ह्यात मोठ्या उत्साहाने करण्यात आली. आज मंगळवारी भक्तिमय वातावरणात त्याचे विसर्जन होणार आहे.

गणेशोत्सवामुळे शहरासह जिल्ह्यात सर्वत्र उत्साहाचे वातावरण निर्माण झाले. शासकीय तसेच खासगी आस्थापनांना सुटी असल्याने बाजारपेठांमध्ये मोठी गर्दी पाहायला मिळाली.

सायंकाळच्या सुमारास बाजारात पूजेसाठी लागणाऱ्या भाज्या, तांदूळ, पिठे, फळभाज्या तसेच नैवेद्यासाठी केळीची पाने, हळदीची पाने आणि अळूची पाने खरेदी करण्यासाठी नागरिकांची लगबग सुरू होती.

दीड दिवसांच्या गणपतीच्या विसर्जनामुळे आज विविध ठिकाणी भक्तिमय वातावरण राहणार आहे. गणरायाला निरोप देताना पारंपरिक पद्धतीने मिरवणुका काढण्याचीही तयारी भक्तांकडून करण्यात आली आहे.