રાધનપુર તાલુકાના પોરાણા ગામે વરસાદથી થયેલા નુકશાન અંગે સ્થાનિક નેતાઓએ સરકારને રજૂઆત કરી

આજરોજ રાધનપુર તાલુકાના પોરાણા ગામે સ્થાનિક નેતાઓએ ભારે વરસાદથી થયેલા નુકશાન અંગે સરકારને રજૂઆત કરી છે. તાલુકા પ્રમુખશ્રી ભેમાજી ઠાકોર, દેવાજી ઠાકોર, અમથુંબા ઠાકોર, વિક્રમભાઈ ઠાકોર, અરજણભાઈ રાવળ અને માનાભાઈ ઠાકોર સહિતના નેતાઓએ ગામમાં ઘરોમાં ભરાયેલા પાણી અને જનજીવનની સ્થિતિની જાણકારી આપી.

આ પ્રસંગે વિપક્ષી સદસ્ય જયાબેન ઠાકોર દ્વારા પણ સરકારને તાત્કાલિક સહાયની માંગણી કરવામાં આવી છે. તેમણે જણાવ્યુ કે, ગામમાં થયેલ નુકશાનનું વળતર આપવામાં આવે અને લોકોને તાત્કાલિક સહાય કરવામાં આવે.

સ્થાનિક નેતાઓએ સરકારને રજૂઆત કરતા જણાવ્યું કે, ભારે વરસાદના કારણે લોકોની જીવનશૈલી પર ગંભીર અસર પડી છે. તેઓએ સરકારને વિનંતી કરી છે કે, તાત્કાલિક પગલાં લેવામાં આવે જેથી લોકોની મુશ્કેલીઓ દૂર થઈ શકે.