🔥 ट्रेंडिंग छत्तीसगढ़ ने 2026 के CG-ACE योजना के त... दंतवाड़ा में एनएमडीसी खनन ढेर फिसला, ब... रायपुर की आकाशवाणी ने 21 नवम्बर 2026 क... एमसीएस स्कैम में नामित केरल के पूर्व म... कर्नाटक में आशा कार्यकर्ताओं का विरोध... સિકંદર ભટ્ટીની પુત્રી તાહિરા ભટ્ટી નો...
21 नव. 2026•
ગુજરાતી मराठी ਪੰਜਾਬੀ বাংলা

పాలకుర్తిలో గిరిజన సంఘాల భారీ నిరసన.. రాజీవ్ చౌరస్తాలో ధర్నా!

✍️ रिपोर्टर: Bommeraboina Hareesh 🗓 21 नव. 2026, 07:40 PM 👁 35
यहाँ देखें: ▶️ YouTube
शेयर करें: 💬 WhatsApp 📘 Facebook 𝕏 Post
పాలకుర్తి: ​జనగామ జిల్లా పాలకుర్తిలో తీవ్ర ఉద్రిక్తత నెలకొంది. కాంగ్రెస్ నాయకులు చేసిన గుడికుంట్ల తండా సర్పంచ్ బానోత్ మహేందర్ నాయక్‌ పై జరిగిన దాడిని ఖండిస్తూ గిరిజన సంఘాలు కదంతొక్కాయి. రాష్ట్రంలోని వివిధ ప్రాంతాల నుంచి తరలివచ్చిన గిరిజన ముఖ్య నాయకులు పాలకుర్తి రాజీవ్ చౌరస్తాలో భారీ ధర్నాకు దిగారు. ప్రజాప్రతినిధిపై దాడి చేయడం ప్రజాస్వామ్యానికి విరుద్ధమని నిరసనకారులు ఆగ్రహం వ్యక్తం చేస్తున్నారు.

​జనగామ జిల్లా పాలకుర్తి కేంద్రంలో గిరిజన సంఘాల నిరసనతో ఉద్రిక్త వాతావరణం నెలకొంది. గుడికుంట్ల తండా సర్పంచ్ బానోత్ మహేందర్ నాయక్‌పై జరిగిన దాడి ఘటనపై గిరిజన నేతలు భగ్గుమన్నారు. ఈ ఘటనను తీవ్రంగా ఖండిస్తూ రాష్ట్రంలోని వివిధ జిల్లాల నుంచి తరలివచ్చిన గిరిజన ముఖ్య నాయకులు, కార్యకర్తలు పాలకుర్తి రాజీవ్ చౌరస్తాలో భారీ ఎత్తున ఆందోళన చేపట్టారు.

​ఒక గిరిజన ప్రజాప్రతినిధిపై దాడికి పాల్పడటం ప్రజాస్వామ్య స్ఫూర్తికి విరుద్ధమని నాయకులు మండిపడ్డారు. గిరిజనుల ఆత్మగౌరవాన్ని దెబ్బతీసే ఇలాంటి చర్యలను ఎట్టి పరిస్థితుల్లోనూ సహించేది లేదని హెచ్చరించారు. తక్షణమే ఈ ఘటనపై సమగ్ర విచారణ జరిపి, సర్పంచ్ మహేందర్ నాయక్‌పై దాడి చేసిన బాధ్యులపై కఠినమైన చట్టపరమైన చర్యలు తీసుకోవాలని డిమాండ్ చేశారు

​గిరిజన ప్రజాప్రతినిధులకు ప్రభుత్వం తగిన రక్షణ కల్పించాలని, భవిష్యత్తులో ఇలాంటి దాడులు పునరావృతం కాకుండా కఠిన చర్యలు తీసుకోవాలని నిరసనకారులు కోరారు. గిరిజనుల హక్కుల పరిరక్షణ కోసం తామంతా ఐక్యంగా పోరాడుతామని స్పష్టం చేశారు. ఈ ఘటనను రాష్ట్రస్థాయికి తీసుకెళ్తామని హెచ్చరించిన నేతలు.. సర్పంచ్‌కు న్యాయం జరిగే వరకు తమ పోరాటం ఆపేది లేదని తేల్చి చెప్పారు.
📲Get App