કડીમાં પંથોડા પ્રાથમિક શાળાનું ભવ્ય લોકાર્પણ, શિક્ષણમાં નવા પ્રભાત

30 ઓક્ટોબર 2026 ના રોજ, મહેસાણા જિલ્લાના કડી તાલુકાના ખાખરીયા-પંથોડા વિસ્તારમાં સરકારી પંથોડા પ્રાથમિક શાળાનું નવનિર્મિત ભવન ભવ્ય લોકાર્પણ સમારોહ યોજાયો.

સમારોહમાં સમગ્ર ગામ ઉત્સવમાં જોડાયું, શાળા ફૂલો, ફુગ્ગા અને તોરણોથી શણગારવામાં આવી અને બાળકો નવા ઉત્સાહ સાથે મહેમાનોનું સ્વાગત કર્યું.

લોકાર્પણમાં કડી શહેરથી પધારેલા સૈયદ મંજુરઅલી બાવા, મહેસાણા જિલ્લા પંચાયતના સદસ્ય શ્રી હેતલબેન પટેલ, વસાણી ગ્રુપના માલિક અને દાનવીર દાતાશ્રી મધુભાઈ વસાણી, સૂર્યમ ડેવલોપર્સના જી.એમ.પટેલ અને કુશભાઈ શર્મા ઉપસ્થિત રહ્યા. સૌ મહાનુભાવોએ રીબીન કાપીને શાળાનું વિધિવત ઉદ્ઘાટન કર્યું.

શાળાના નવનિર્માણમાં ભૂતપૂર્વ આચાર્યશ્રી અયુબભાઈ સુથાર, રાકેશભાઈ પટેલ અને વર્તમાન આચાર્યશ્રી ઈસબભાઈ રાઠોડની સતત રજૂઆતો અને રસુલભાઈ સરપંચ, ભીખાભાઈ, SMC અધ્યક્ષશ્રી મોહસીનભાઈ સિપાઈ અને સમગ્ર SMC પંથોડા ટીમના સહયોગથી સફળતા મળી. વક્તાઓએ જણાવ્યું કે, ‘ગામનો વિકાસ રસ્તાથી નહીં, પણ શાળાથી થાય છે.’

આ નવનિર્મિત શાળાથી પંથોડા અને આસપાસના ખાખરીયા વિસ્તારના સેંકડો બાળકોને ગુણવત્તાયુક્ત શિક્ષણ મળશે. સમારોહના અંતે આભારવિધિ સાથે કાર્યક્રમ પૂર્ણ થયો.