સુરતમાં એમ્બ્રોઇડરી ઉદ્યોગમાં માલિક-શ્રમિક વિવાદનું સમાધાન, કામકાજ પુનઃ શરૂ

સુરત, ગુજરાત – ટેક્સટાઇલ ક્ષેત્ર હેઠળ કાર્યરત એમ્બ્રોઇડરી ઉદ્યોગમાં છેલ્લા ત્રણ મહિના સુધી માલિકો અને શ્રમિકો વચ્ચે કાનૂની હક્કો તેમજ સાપ્તાહિક રજાના મુદ્દે વિવાદ ચાલુ હતો, જે હવે સમાધાન થયું છે.

ઔદ્યોગિક શાંતિ પુનઃસ્થાપિત કરવા અને કામકાજ સુચારુ રીતે શરૂ કરવા માટે વરિષ્ઠ મધ્યસ્થી નૈષધભાઈ દેસાઈના નિવાસસ્થાને એક સંયુક્ત બેઠકનું આયોજન કરવામાં આવ્યું.

આ બેઠકમાં અખિલ ગુજરાત એમ્બ્રોઇડરી ઓનર્સ એસોસિએશન તેમજ જન્મભૂમિ ભારત મજૂર યુનિયન, રાષ્ટ્રીય મજૂર સેના, મજૂર બચાવો આંદોલન, આંબેડકરવાદી એકતા મિશન જેવા શ્રમિક સંગઠનોના પ્રતિનિધિઓ ભાગ લીધો.

વિગતવાર ચર્ચા-વિચારણા બાદ બંને પક્ષોએ લેખિત સમજૂતી કરાર તૈયાર કર્યો, જે દ્વારા કાનૂની હક્કોનું પાલન, સાપ્તાહિક રજાનો નિર્ધારિત સમય અને અન્ય કામકાજ સંબંધિત મુદ્દાઓનું નિરાકરણ કરવામાં આવ્યું.

સમજૂતી કરારના અમલથી ઉદ્યોગમાં શાંતિ પુનઃસ્થાપિત થશે અને ઉત્પાદન પ્રક્રિયા ફરીથી સામાન્ય રીતે ચાલુ રહેશે.