માંડવી નગરપાલિકાનો જૂનો ભવન તોડી આધુનિક શોપિંગ સેન્ટર નિર્માણ માટેની યોજના

માંડવી નગરપાલિકાનું જૂનું ભવન હાલ જર્જરિત અવસ્થામાં છે. નગરપાલિકાએ આ ભવન અને તેની નીચે આવેલી દુકાનોને તોડી, તેના સ્થાને આધુનિક શોપિંગ સેન્ટર બનાવવા માટે મહત્વપૂર્ણ યોજના ઘોષિત કરી છે.

આ પ્રોજેક્ટ અંતર્ગત અંદાજે 74 દુકાનોને તોડી, નવી સુવિધાઓ સાથે 80 દુકાનોનું નિર્માણ કરવામાં આવશે. નવા શોપિંગ સેન્ટરમાં આધુનિક સુવિધાઓ અને વ્યવસાયિક માળખું રહેશે, જે સ્થાનિક વેપારીઓ અને ગ્રાહકો માટે લાભદાયક રહેશે.

પ્રોજેક્ટ હાલમાં વિચારણા હેઠળ છે અને જરૂરી સરકારી મંજૂરીઓ મેળવવામાં અંદાજે ત્રણથી ચાર મહિના સમય લાગી શકે છે. મંજૂરી મળ્યા પછી નગરપાલિકા તાત્કાલિક નિર્માણ કાર્ય શરૂ કરવાની યોજના ધરાવે છે.