સમઢીયાળા ગામે જાહેરમાં જુગાર રમતા ૭ શખ્સો ઝડપાયા, ૧૩ હજાર રોકડ જપ્ત

ચોરવાડ પોલીસ સ્ટેશનના વીલેજ બી બીટ વિસ્તારમાં પેટ્રોલિંગ દરમિયાન પોલીસ સ્ટાફે જાહેરમાં તીનપત્તી (હારજીત) નો જુગાર રમતા ઇસમો પર રેડ કરી હતી. આ રેડ દરમિયાન પત્તા રમતા કુલ ૭ આરોપીઓ પકડાઈ આવ્યા છે. ઝડપાયેલા આરોપીઓમાં સંજયભાઈ જીકાભાઈ ચુડાસ્મા (ઉ.વ.૩૮), મનીષ ઉર્ફે મનો જીકાભાઈ ચુડાસ્મા (ઉ.વ.૪૦), દીપક જગદીશભાઈ પરમાર (ઉ.વ.૩૬), ગોપાલ ઉર્ફે કાળુ પુનાભાઈ ચુડાસ્મા (ઉ.વ.૩૦), સરમણ નાથાભાઈ પંડીત (ઉ.વ.૩૧), રામદેભાઈ રાણાભાઈ ભરડા (ઉ.વ.૩૪) અને નયન ભીમાભાઈ બાલસ (ઉ.વ.૨૫) સામેલ છે. તમામ આરોપીઓ સમઢીયાળા ગામ, વાચ્છરા બાપાના મંદિર પાસે રહે છે.

આ ઘટના સમઢીયાળા ગામે, રામાપીરના મંદિર પાસે અને તળાવની બાજુમાં બની હતી, જે થાણાથી પૂર્વ દિશામાં ૯ કિલોમીટર દૂર આવેલું છે. પોલીસે રેડ દરમિયાન રોકડ રકમ ૧૩,૨૪૦ રૂપિયા, ગંજીપત્તાના ૫૨ પાના અને પાથરણું જપ્ત કર્યું છે. કુલ મુદ્દામાલની કિંમત ૧૩,૨૪૦ રૂપિયા નક્કી થઈ છે.

પકડાયેલ તમામ આરોપીઓ વિરુદ્ધ કાયદેસરની કાર્યવાહી હાથ ધરી ગુનો નોંધવામાં આવ્યો છે. આ કાર્યવાહી ચોરવાડ પોલીસ સ્ટેશનના અધિકારી શ્રી એભલભાઈ (પો.કોન્સ.) અને તેમની ટીમ દ્વારા કરવામાં આવી છે.