మున్సిపల్ ఎన్నికల్లో వైఎస్సార్సీపీ సత్తా చాటుతుంది: వడ్లూరి సీతారాం

మున్సిపల్ ఎన్నికల బరిలో నిలిచేందుకు వైఎస్సార్ కాంగ్రెస్ పార్టీ (YCP) అభ్యర్థులు, కార్యకర్తలు పూర్తి స్థాయిలో సిద్ధంగా ఉన్నారని ఆ పార్టీ పంచాయతీరాజ్ వింగ్ రాష్ట్ర సెక్రటరీ వడ్లూరి సీతారాం తెలిపారు. తణుకులో సోమవారం ఆయన మీడియాతో మాట్లాడారు.

గత ప్రభుత్వ హయాంలో అప్పటి ముఖ్యమంత్రి వైఎస్ జగన్మోహన్ రెడ్డి ప్రజల ఖాతాల్లో పారదర్శకంగా జమ చేసిన సంక్షేమ పథకాలే తమకు శ్రీరామరక్ష అని ఆయన అన్నారు. ఈ పథకాలు ప్రజల జీవితాల్లో గణనీయమైన మార్పు తెచ్చాయని, వాటిని చూసే ప్రజలు తమ పార్టీ వైపే నిలుస్తారని ఆయన ధీమా వ్యక్తం చేశారు.

రానున్న మున్సిపల్ ఎన్నికల్లో వైఎస్సార్సీపీ ఘన విజయం సాధిస్తుందని, ప్రజల ఆదరణ తమకే ఉంటుందని సీతారాం విశ్వాసం వ్యక్తం చేశారు. పార్టీ శ్రేణులు ఎన్నికల ప్రచారంలో చురుగ్గా పాల్గొని, పార్టీ విజయానికి కృషి చేయాలని ఆయన పిలుపునిచ్చారు.