తణుకులో పెరిగిన కూరగాయల ధరలు: వినియోగదారుల ఆందోళన

తణుకు పట్టణంలో కూరగాయల ధరలు గణనీయంగా పెరిగి సామాన్యులకు అందుబాటులో లేకుండా పోతున్నాయి. ఇటీవల కురిసిన భారీ వర్షాల కారణంగా పంటల దిగుబడి తగ్గిపోవడంతో మార్కెట్లోకి కూరగాయల సరఫరా తగ్గింది. దీని ప్రభావంతో వంకాయలు, బీరకాయలు, దోసకాయలు, కాకరకాయలు వంటివి కిలో రూ. 60 చొప్పున అమ్ముడవుతున్నాయి.

ఇప్పటికే కూరగాయల ధరలు పెరిగి ఆందోళన కలిగిస్తుండగా, ఉల్లిపాయల ధరలు కూడా కిలో రూ. 60కి చేరడంతో వినియోగదారులు తీవ్ర ఇబ్బందులు ఎదుర్కొంటున్నారు. పెరిగిన ధరలతో కొనుగోలు చేయలేక సతమతమవుతున్నారు.

మరోవైపు, ప్రస్తుతం భవానీ మాలలు ధరించిన వారు, అయ్యప్ప దీక్ష చేపట్టిన భక్తుల సంఖ్య పెరగడంతో కూరగాయలకు డిమాండ్ మరింత పెరిగింది. ఈ అదనపు డిమాండ్ కూడా ధరల పెరుగుదలకు ఒక కారణంగా కనిపిస్తోంది. ఈ పరిస్థితులపై వినియోగదారులు ఆందోళన వ్యక్తం చేస్తున్నారు.