બગસરા પેસેન્જર એસોસિએશન દ્વારા ડેપો મેનેજર અને ડ્રાઈવરનું સન્માન

બગસરા પેસેન્જર એસોસિએશન દ્વારા ઉત્કૃષ્ટ કામગીરી બદલ બગસરા એસ.ટી. ડેપોના ડેપો મેનેજર ગઢવીબેન અને ડ્રાઈવર ભરતભાઈ ભાભરીયાનું સન્માન કરવામાં આવ્યું હતું.

શ્રાવણ મહિના નિમિત્તે બગસરાથી સોમનાથ બસ શરૂ કરવાની મુસાફરોની માંગણીને ડેપો મેનેજરે તાત્કાલિક સ્વીકારીને બસ શરૂ કરી હતી. આ ઉપરાંત, સેવાભાવી ડ્રાઈવર-કંડક્ટરોની નિમણૂકની માંગણી પણ સંતોષવામાં આવી હતી.

એક મહિના સુધી સતત બસ ચલાવી મુસાફરોને પૂરતો સહકાર આપવા અને એસ.ટી. વિભાગને સારી આવક અપાવવા બદલ ડ્રાઈવર ભરતભાઈ ભાભરીયાને પુષ્પગુચ્છ અને મોમેન્ટો આપી સન્માનિત કરાયા હતા.