ગુજરાતના રાજ્યપાલ આચાર્ય દેવવ્રતજીનું કચ્છમાં આગમન, અનેક કાર્યક્રમોમાં ભાગ લેશે

ગુજરાતના રાજ્યપાલ શ્રી આચાર્ય દેવવ્રતજી તથા લેડી ગવર્નર શ્રીમતી દર્શનાદેવીજી બે દિવસીય વિવિધ કાર્યક્રમોમાં સહભાગી થવા માટે કચ્છ જિલ્લાની મુલાકાતે પધાર્યા છે. ભુજ એરપોર્ટ પર આગમન થતાં તેમનું ઉષ્માભર્યું સ્વાગત કરવામાં આવ્યું હતું.

આ પ્રસંગે કચ્છ જિલ્લા કલેક્ટર શ્રી અનિલ રાણાવસિયા, પશ્ચિમ કચ્છ પોલીસ અધિક્ષક શ્રી વિકાસ સુંડા, યુનિવર્સિટીના કુલપતિ ડો. મોહનભાઈ પટેલ સહિત અનેક પદાધિકારીઓ અને ઉચ્ચ અધિકારીઓએ રાજ્યપાલશ્રીનું કચ્છની ધરતી પર સ્વાગત કર્યું હતું.

રાજ્યપાલશ્રી આચાર્ય દેવવ્રતજી આગામી બે દિવસ દરમિયાન કચ્છમાં યોજાનારા વિવિધ કાર્યક્રમોમાં ભાગ લેશે અને સ્થાનિક વિકાસ તથા સામાજિક પ્રવૃત્તિઓમાં સહભાગી બનશે.