జగ్గయ్యపేట మున్సిపాలిటీలో నీటి కష్టాలు: నాయకుల పబ్లిసిటీపై మహిళల ఆగ్రహం

జగ్గయ్యపేట మున్సిపాలిటీ పరిధిలో ప్రజలు తీవ్ర నీటి కష్టాలను ఎదుర్కొంటున్నారు. ఎప్పుడు ఈ సమస్య పరిష్కారం అవుతుందా అని ప్రజలు ఎదురుచూస్తున్నారు. తాగునీటి సరఫరాలో నెలకొన్న అంతరాయంపై స్థానికులు తీవ్ర అసంతృప్తితో ఉన్నారు.

ఈ నీటి సమస్యను అడ్డం పెట్టుకుని కొందరు స్థానిక నాయకులు నీటి ట్యాంకర్ల వద్ద ఫోటోలు దిగుతూ, తమ పబ్లిసిటీ కోసం వాడుకుంటున్నారని స్థానిక మహిళలు మండిపడుతున్నారు. ప్రజల కష్టాలను చూసి పరిష్కరించాల్సిన నాయకులు, ఇలా ఫోటోలకు పోజులివ్వడంపై ఆగ్రహం వ్యక్తం చేస్తున్నారు.

అయితే, ఈ నీటి సమస్య త్వరలోనే పరిష్కారం అవుతుందని మున్సిపల్ అధికారులు తెలియజేసినట్లు సమాచారం. ప్రజల అసౌకర్యాన్ని దృష్టిలో ఉంచుకుని, యుద్ధ ప్రాతిపదికన చర్యలు తీసుకోవాలని స్థానికులు కోరుతున్నారు.