🔥 TRENDING महाराष्ट्र राज्यव्यापी विशेष सत्यशोधक... નવી ઊર્જા, નવો સંચાર અને નવા સંકલ્પ સા... वाराणसी: लालपुर-पाण्डेयपुर थाना में चो... FBI Unveils Ten Most Wanted Poster, Na... Odisha Launches 3-Day Pulse Polio Camp... Odisha Launches Statewide Polio Immuni...
22 Nov 2026•
ગુજરાતી मराठी ਪੰਜਾਬੀ বাংলা
માંગરોળ પોલીસે ટ્રાફિક નિયમોના ભંગ બદલ વાહન ચેકિંગ હાથ ધર્યું
Local

માંગરોળ પોલીસે ટ્રાફિક નિયમોના ભંગ બદલ વાહન ચેકિંગ હાથ ધર્યું

✍️ Reporter: SUDIP GADHIYA 🗓 02 Oct 2026, 09:22 PM 👁 162
Share: 💬 WhatsApp 📘 Facebook 𝕏 Post

માંગરોળ શહેરમાં ટ્રાફિક સમસ્યાને પહોંચી વળવા પોલીસ દ્વારા લીમડા ચોક ખાતે વાહન ચેકિંગ હાથ ધરવામાં આવ્યું હતું. લાઇસન્સ અને ટ્રાફિક નિયમોનું ઉલ્લંઘન કરતા વાહનો સામે કાર્યવાહી કરવામાં આવી.

માંગરોળ પોલીસ પ્રશાસન દ્વારા શહેરની ગંભીર ટ્રાફિક સમસ્યાને ધ્યાનમાં રાખીને કડક પગલાં લેવામાં આવી રહ્યા છે. આજરોજ લીમડા ચોક ખાતે સઘન વાહન ચેકિંગ અભિયાન હાથ ધરવામાં આવ્યું હતું. આ દરમિયાન, વાહન ચાલકોના લાઇસન્સ અને ટ્રાફિક નિયમોના પાલનની ચકાસણી કરવામાં આવી હતી અને નિયમોનું ઉલ્લંઘન કરતા વાહનો સામે કાયદેસરની કાર્યવાહી કરવામાં આવી હતી.

આ વાહન ચેકિંગ કાર્યવાહીનું નેતૃત્વ પીએસઆઇ રોહિત સર દ્વારા કરવામાં આવ્યું હતું. તેમની સાથે હેડ કોસ્ટેબલ મોરી સાહેબ, હિરેનભાઈ અને શાંતિબેન સોલંકી પણ જોડાયા હતા. પોલીસની આ કાર્યવાહીથી નિયમોનું પાલન ન કરતા વાહન ચાલકોમાં ફફડાટ જોવા મળ્યો હતો.

નગરજનો દ્વારા લાંબા સમયથી માંગરોળ શહેરમાં ટ્રાફિકની ગંભીર સમસ્યા અને રસ્તાઓ પર વધી રહેલા દબાણ અંગે ચિંતા વ્યક્ત કરવામાં આવી રહી છે. ખાસ કરીને લીમડા ચોકથી જેલ રોડ, લીમડા ચોકથી કાપડ બજાર રોડ અને લીમડા ચોકની બાજુની ગલીમાં શાકભાજીના વેપારીઓ દ્વારા રસ્તાનો મોટો ભાગ રોકી દેવાતા રાહદારીઓ, બહેનો અને વિદ્યાર્થીઓને ભારે હાલાકીનો સામનો કરવો પડે છે. આવા દબાણ સામે પણ નક્કર કાર્યવાહી થાય તેવી અપેક્ષા જનતા સેવી રહી છે.
📲Get App