વન મંત્રી પ્રવીણભાઈ માળીએ જૂનાગઢ સક્કરબાગ પ્રાણી સંગ્રહાલયની મુલાકાત લીધી

રાજ્યના વન અને પર્યાવરણ મંત્રી પ્રવીણભાઈ માળીએ જૂનાગઢ સ્થિત ઐતિહાસિક સક્કરબાગ પ્રાણી સંગ્રહાલયની મુલાકાત લીધી હતી. આ મુલાકાત દરમિયાન, તેમણે પ્રાણી સંગ્રહાલયમાં વન્ય પ્રાણીઓના રખરખાવ, તેમના સંરક્ષણ અને મુલાકાતીઓ માટે ઉપલબ્ધ સુવિધાઓની વિસ્તૃત સમીક્ષા કરી હતી.

મંત્રીશ્રીએ પ્રાણીઓની વિશિષ્ટતાઓ વિશે જાણકારી મેળવી હતી અને સક્કરબાગ ઝૂના નવીનીકરણ તેમજ સુવિધાઓમાં વધારો કરવા માટે જરૂરી માર્ગદર્શન પૂરું પાડ્યું હતું. આ પ્રસંગે તેમણે મુલાકાતીઓ સાથે પણ સંવાદ સાધ્યો હતો.

આ મુલાકાતનો મુખ્ય ઉદ્દેશ્ય નેચર એજ્યુકેશન અને વન્યજીવ જાગૃતિને પ્રોત્સાહન આપવાનો હતો. મંત્રીશ્રીએ આ દિશામાં વધુ પ્રયાસો કરવા પર ભાર મૂક્યો હતો.