Local
વેરાવળ: બિસ્માર રસ્તા અને પાણીના પ્રશ્ને મહિલાઓનો નગરપાલિકા કચેરીએ ઉગ્ર વિરોધ
વેરાવળના લીલાશાહ નગરમાં પ્રાથમિક સુવિધાઓના અભાવ, ખાસ કરીને બિસ્માર રસ્તા અને પાણીની સમસ્યાથી ત્રસ્ત 20થી વધુ મહિલાઓએ નગરપાલિકા કચેરીએ પહોંચી આક્રોશ સાથે રજૂઆત કરી હતી.
વેરાવળ શહેરમાં રસ્તાઓની દયનીય સ્થિતિ અને પીવાના પાણીની સમસ્યાને લઈને સ્થાનિક નગરજનોમાં ભારે રોષ જોવા મળી રહ્યો છે. ખાસ કરીને લીલાશાહ નગર વિસ્તારમાં પ્રાથમિક સુવિધાઓના અભાવે લોકો ત્રાહિમામ પોકારી ઉઠ્યા છે. આ મુદ્દે, 20થી વધુ મહિલાઓએ એકઠા થઈને નગરપાલિકા કચેરીએ પહોંચી પોતાની સમસ્યાઓ અંગે ઉગ્ર રજૂઆત કરી હતી.
મહિલાઓએ જણાવ્યું હતું કે ચૂંટણી જીત્યા બાદ ચૂંટાયેલા નગરસેવકો લોકોની તકલીફ સાંભળવા કે તેમની સમસ્યાઓનું નિરાકરણ લાવવા માટે ઉપલબ્ધ નથી. તેઓ ક્યાંય જોવા પણ મળતા નથી, જેના કારણે લોકોમાં ભારે નિરાશા અને આક્રોશ છે. બિસ્માર રસ્તાઓ અને પાણીની સમસ્યાને કારણે દૈનિક જીવન મુશ્કેલ બન્યું છે.
નગરપાલિકા કચેરી ખાતે મહિલાઓએ નગરસેવકો સામે પોતાનો આક્રોશ વ્યક્ત કર્યો હતો અને તાત્કાલિક ધોરણે તેમના પ્રશ્નોનું નિરાકરણ લાવવાની માંગ કરી હતી. તેમણે ચીમકી ઉચ્ચારી હતી કે જો તેમની સમસ્યાઓ પર ધ્યાન આપવામાં નહીં આવે તો તેઓ આંદોલન કરશે.
મહિલાઓએ જણાવ્યું હતું કે ચૂંટણી જીત્યા બાદ ચૂંટાયેલા નગરસેવકો લોકોની તકલીફ સાંભળવા કે તેમની સમસ્યાઓનું નિરાકરણ લાવવા માટે ઉપલબ્ધ નથી. તેઓ ક્યાંય જોવા પણ મળતા નથી, જેના કારણે લોકોમાં ભારે નિરાશા અને આક્રોશ છે. બિસ્માર રસ્તાઓ અને પાણીની સમસ્યાને કારણે દૈનિક જીવન મુશ્કેલ બન્યું છે.
નગરપાલિકા કચેરી ખાતે મહિલાઓએ નગરસેવકો સામે પોતાનો આક્રોશ વ્યક્ત કર્યો હતો અને તાત્કાલિક ધોરણે તેમના પ્રશ્નોનું નિરાકરણ લાવવાની માંગ કરી હતી. તેમણે ચીમકી ઉચ્ચારી હતી કે જો તેમની સમસ્યાઓ પર ધ્યાન આપવામાં નહીં આવે તો તેઓ આંદોલન કરશે.