રાજ્યમાં ઓટો રિક્ષા ભાડામાં વધારાને મંજૂરી, આજથી અમલ શરૂ

શહેર સહિત સમગ્ર રાજ્યના ઓટોરીક્ષા ચાલકો માટે મહત્વના અને રાહતના સમાચાર સામે આવ્યા છે. રાજ્ય સરકારે ઓટોરીક્ષાના ભાડા વધારાને સત્તાવાર મંજૂરી આપી દીધી છે, જેનો અમલ આજથી જ શરૂ થઈ ગયો છે.

નવા નિયમ મુજબ, હવે મુસાફરોએ પ્રથમ 1.2 કિલોમીટર માટે ₹25 ભાડું ચૂકવવાનું રહેશે. આ નિર્ણય રાજ્યભરના ઓટોરીક્ષા ચાલકો માટે મોટી રાહત લઈને આવ્યો છે.

ભાડા વધારાની લાંબા સમયથી માંગણી સંતોષાતાં રાજ્યભરના ઓટોરીક્ષા ચાલકો અને યુનિયનોમાં ભારે ઉત્સાહ અને ખુશીનો માહોલ જોવા મળી રહ્યો છે. આ નિર્ણયથી ચાલકોની આર્થિક સ્થિતિ સુધારવામાં મદદ મળશે તેવી અપેક્ષા છે.