ગણપતિ વિસર્જન ના પાવન દિવસે ગજાનંદ મિત્ર મંડળ ની સેવાકીય પહેલ ગીર ગઢડાની આંગણવાડીઓ તથા શાળાના વિદ્યાર્થીઓ માટે બટુક ભોજનનું આયોજન

ગણપતિ મહોત્સવની ઉજવણી સાથે સમાજમાં સેવા અને માનવતાનો સંદેશો પહોંચાડવાના હેતુથી આયોજિત આ બટુક ભોજનમાં મોટી સંખ્યામાં વિદ્યાર્થીઓએ ભોજન પ્રસાદનો લાભ લીધો હતો. ગજાનન મિત્ર મંડળના સભ્યો દ્વારા વિદ્યાર્થીઓને પ્રેમપૂર્વક ભોજન પીરસવામાં આવ્યું હતું. આ સેવાકીય આયોજનથી વિદ્યાર્થીઓમાં પણ આનંદનો માહોલ જોવા મળ્યો હતો. ગણપતિ વિસર્જનના દિવસે ધાર્મિક ભાવના સાથે સેવાકીય પ્રવૃત્તિને જોડતા ગજાનન મિત્ર મંડળના આ પ્રયાસને સ્થાનિક સ્તરે આવકાર મળ્યો હતો.