ઉનામાં ચંદ્રકિર ગ્રુપ દ્વારા ભવ્ય ગણેશ વિસર્જન રોડ શો: હજારો ભક્તો જોડાયા

ઉના શહેરમાં આજે ગણેશ વિસર્જન પર્વની ઉજવણી નિમિત્તે ચંદ્રકિર ગ્રુપ દ્વારા એક ભવ્ય રોડ શોનું આયોજન કરવામાં આવ્યું હતું. આ રોડ શોમાં લાઈવ ડી.જે.ની સુવિધા રાખવામાં આવી હતી, જેના કારણે ભક્તોમાં અનેરો ઉત્સાહ જોવા મળ્યો હતો. હજારોની સંખ્યામાં ભાવિક ભક્તો આ રોડ શોમાં જોડાયા હતા અને ભક્તિમય માહોલમાં ગણેશજીને વિદાય આપી હતી.

આ કાર્યક્રમમાં જાણીતા ગાયક કલાકારો મહેશ વણઝારા અને પિન્ટુ અલગોતર સાથે સુનિતા ભરવાડે પણ પોતાની લાઇવ ડી.જે.ની રમઝટ બોલાવી હતી. કલાકારોના સુમધુર ગીતો અને ડી.જે.ના તાલે ભક્તો ઝૂમી ઉઠ્યા હતા. સમગ્ર વાતાવરણ ગણેશજીના જયઘોષથી ગુંજી ઉઠ્યું હતું.
જે
ચંદ્રકિર ગ્રુપ દ્વારા આયોજિત આ ભવ્ય રોડ શોએ શહેરની શોભા વધારી હતી. ભક્તોની મોટી સંખ્યા અને ઉત્સાહપૂર્ણ માહોલ આ કાર્યક્રમની સફળતા દર્શાવે છે. ગણેશ વિસર્જનની આ પરંપરાગત ઉજવણીમાં સૌ કોઈ જોડાયા હતા અને ભક્તિભાવ સાથે ભગવાન ગણેશજીને આગામી વર્ષે ફરી આવવા પ્રાર્થના કરી હતી.