હિંમતનગર નજીક કાટવાડ ગામમાં પરિણીતાનો ગળેફાંસો લગાવી આપઘાત,ચકચાર મચી..

સાબરકાંઠાના-:
હિંમતનગર તાલુકાના કાટવાડ ગામમાં એક પરિણીત મહિલાએ ગળેફાંસો લગાવી આત્મહત્યા કરી લેતા ચકચાર મચી ગઈ છે.આ ઘટનાની જાણ થતાં સ્થાનિક પોલીસ ઘટના સ્થળે પહોંચી હતી અને વધુ તપાસ હાથ ધરી હતી..

આ બનાવ અંગે હિંમતનગર વિભાગીય નાયબ પોલીસ અધિક્ષક એ.કે.પટેલે જણાવ્યું હતું કે કાટવાડ ગામમાં બનેલી આ દુઃખદ ઘટના અંગે પોલીસ દ્વારા તપાસ કરવામાં આવી રહી છે. મૃતકના પરિવારજનો અને આસપાસના લોકોના નિવેદનો નોંધવામાં આવી રહ્યા છે.પોલીસ દ્વારા મૃતદેહનો કબ્જો લઈ પોસ્ટમોર્ટમ માટે ખસેડવાની કાર્યવાહી હાથ ધરવામાં આવી છે. આત્મહત્યા પાછળનું ચોક્કસ કારણ હજુ સુધી જાણવા મળ્યું નથી અને પોલીસ તમામ દિશામાં તપાસ કરી રહી છે.