ભિલોડા નજીક બુઢેલી નદીના ચેકડેમ પાસેથી અજાણ્યા પુરુષનો મૃતદેહ મળ્યો

ભિલોડામાં બુઢેલી નદીના ચેકડેમ પાસેથી એક અજાણ્યા પુરુષનો મૃતદેહ મળી આવતા સ્થાનિક વિસ્તારમાં ચકચાર મચી જવા પામી છે. આ ઘટનાની જાણ થતાં જ ભિલોડા પોલીસ તાત્કાલિક ઘટનાસ્થળે દોડી આવી હતી.

પોલીસે મૃતદેહનો કબ્જો મેળવી પોસ્ટમોર્ટમ માટે મોકલવાની કાર્યવાહી હાથ ધરી છે. મૃતકના શરીર પર પીળા રંગનું શર્ટ અને કાળા રંગનું પેન્ટ પહેરેલું હતું.

પોલીસ દ્વારા મૃતકની ઓળખ સ્થાપિત કરવાના પ્રયાસો કરવામાં આવી રહ્યા છે. આ સાથે જ મૃત્યુ પાછળનું ચોક્કસ કારણ જાણવા માટે પણ પોલીસે ઊંડાણપૂર્વક તપાસ શરૂ કરી છે.