અમદાવાદ-મહેસાણા હાઇવે પર રોડના ખાડાને કારણે ટ્રક બ્રિજ પરથી પલટી: ચાલક ઈજાગ્રસ્ત

અમદાવાદ-મહેસાણા હાઇવે પર રોડ પર પડેલા ખાડાના કારણે એક ગંભીર અકસ્માત સર્જાયો છે. પ્રાપ્ત માહિતી અનુસાર, હાઇવે પરના ખાડાને કારણે ટ્રક ચાલકે અચાનક બ્રેક મારતા ટ્રક ચાલકે પોતાનો કાબુ ગુમાવ્યો હતો.

કાબુ ગુમાવતા ટ્રક બ્રિજ પરથી નીચે પલટી મારી ગઈ હતી. આ ઘટનાના પગલે હાઇવે પર વાહનવ્યવહાર થોડા સમય માટે ખોરવાયો હતો. સદનસીબે, મોટી જાનહાનિ ટળી હતી.

અકસ્માતમાં ટ્રક ચાલકને ઈજા પહોંચી હતી, જેને તાત્કાલિક સારવાર માટે ખસેડવામાં આવ્યો હતો. હાઇવે પર ઠેર ઠેર પડેલા ખાડાઓને કારણે વાહનચાલકો પરેશાન થઈ રહ્યા છે અને આવા અકસ્માતોનું જોખમ વધી રહ્યું છે.