ભિલોડા નજીક બુઢેલી નદીના ચેકડેમ પાસેથી અજાણ્યા પુરુષનો મૃતદેહ મળ્યો

ભિલોડામાં બુઢેલી નદીના ચેકડેમ પાસેથી એક અજાણ્યા પુરુષનો મૃતદેહ મળી આવતા ભારે ચકચાર મચી છે. આ ઘટનાની જાણ થતાં જ ભિલોડા પોલીસ તાત્કાલિક ઘટનાસ્થળે પહોંચી હતી.

પોલીસે મૃતદેહનો કબજો મેળવી પોસ્ટમોર્ટમ માટે મોકલવાની કાર્યવાહી હાથ ધરી છે. મૃતકના શરીર પર પીળા રંગનું શર્ટ અને કાળા રંગનું પેન્ટ પહેરેલું હતું.

પોલીસે મૃતકની ઓળખ સ્થાપિત કરવા અને મૃત્યુના ચોક્કસ કારણો જાણવા માટે તપાસ શરૂ કરી છે. આ ઘટના અંગે વધુ તપાસ ચાલી રહી છે.