અમદાવાદ-મહેસાણા હાઇવે પર રોડના ખાડાને કારણે ટ્રક બ્રિજ પરથી પલટી: ચાલક ઈજાગ્રસ્ત

અમદાવાદ-મહેસાણા હાઇવે પર આજે એક ગંભીર અકસ્માત સર્જાયો હતો. હાઇવે પર ઠેર ઠેર પડેલા ખાડાઓને કારણે ટ્રક ચાલકે પોતાનો કાબુ ગુમાવ્યો હતો. જેના પરિણામે ટ્રક બ્રિજ પરથી નીચે પલટી મારી ગઈ હતી.

પ્રાપ્ત માહિતી અનુસાર, રોડ પર અચાનક આવેલા ખાડાને ટાળવા માટે ટ્રક ચાલકે અચાનક બ્રેક મારતા ટ્રક અસંતુલિત થઈ ગઈ હતી અને બ્રિજ પરથી નીચે પટકાયી હતી. આ ઘટનાના પગલે હાઇવે પર વાહનવ્યવહાર થોડા સમય માટે ખોરવાયો હતો.

આ અકસ્માતમાં ટ્રક ચાલકને ઈજાઓ પહોંચતા તેને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો છે. હાઇવે પરના ખાડાઓ વાહનચાલકો માટે જોખમી સાબિત થઈ રહ્યા છે અને આવા અકસ્માતો રોકવા માટે તંત્ર દ્વારા તાત્કાલિક પગલાં લેવાની જરૂર છે.