ધારીના ખીચા દેવંગી આશ્રમ ખાતે ભાદરવી બીજની ભવ્ય ઉજવણી

ધારી તાલુકાના ખીચા ગામ ખાતે આવેલા દેવંગી આશ્રમમાં ભાદરવી બીજ નિમિત્તે ભવ્ય ધાર્મિક ઉજવણીનું આયોજન કરવામાં આવ્યું હતું. આ પ્રસંગે આશ્રમ ખાતે ભક્તિમય વાતાવરણ જોવા મળ્યું હતું અને મોટી સંખ્યામાં શ્રદ્ધાળુઓએ ઉપસ્થિત રહી ધાર્મિક કાર્યક્રમોમાં ભાગ લીધો હતો.

ભાદરવી બીજના પાવન પર્વ નિમિત્તે દેવંગી આશ્રમ ખાતે વિવિધ ધાર્મિક કાર્યક્રમો યોજાયા હતા. વહેલી સવારથી જ આશ્રમ ખાતે ભક્તોનો ધસારો જોવા મળ્યો હતો. ભક્તોએ દર્શન કરી ધન્યતા અનુભવી હતી તેમજ આશ્રમ ખાતે ભજન-કીર્તન સહિતના ધાર્મિક માહોલમાં ભક્તિભાવપૂર્વક ઉજવણી કરવામાં આવી હતી.

દેવંગી આશ્રમના મહંત શ્રી માધવદાસબાપુના માર્ગદર્શન હેઠળ યોજાયેલી આ ભવ્ય ઉજવણીમાં આસપાસના ગામો સહિત દૂર-દૂરથી આવેલા શ્રદ્ધાળુઓ જોડાયા હતા. સમગ્ર આશ્રમ પરિસર ભક્તિ અને શ્રદ્ધાના રંગે રંગાયેલું જોવા મળ્યું હતું.

ભાદરવી બીજના પવિત્ર પર્વની ઉજવણી નિમિત્તે દેવંગી આશ્રમ ખાતે આયોજિત ધાર્મિક કાર્યક્રમથી ભક્તોમાં અનેરો ઉત્સાહ જોવા મળ્યો હતો.