ધારી એસટી બસ ડેપો ખાતે વૃક્ષારોપણ કાર્યક્રમ યોજાયો: સામાજિક આગેવાનો અને અધિકારીઓ રહ્યા ઉપસ્થિત

ધારી એસટી બસ ડેપો ખાતે પર્યાવરણ સુરક્ષા અને હરિયાળીને પ્રોત્સાહન આપવાના હેતુથી એક વૃક્ષારોપણ કાર્યક્રમનું સફળતાપૂર્વક આયોજન કરવામાં આવ્યું હતું. આ કાર્યક્રમ અંતર્ગત ડેપો પરિસરમાં વિવિધ વૃક્ષોનું વાવેતર કરવામાં આવ્યું હતું.

આ વૃક્ષારોપણ કાર્યક્રમમાં સામાજિક આગેવાનો, જાગૃત નાગરિકો તેમજ વનવિભાગના અધિકારીઓ વિશેષ રૂપે ઉપસ્થિત રહ્યા હતા. આ ઉપરાંત, એસટી બસ વિભાગના કર્મચારીઓએ પણ આ ભગીરથ કાર્યમાં ઉત્સાહભેર ભાગ લીધો હતો અને વૃક્ષો વાવી તેના ઉછેરની જવાબદારી સ્વીકારી હતી.

કાર્યક્રમ દરમિયાન તાલુકા પંચાયતના વિરેનભાઈ જોષી અને યુવા પત્રકાર વનરાજભાઈ ડામોર પણ ખાસ ઉપસ્થિત રહ્યા હતા. ઉપસ્થિત તમામ મહાનુભાવોએ પર્યાવરણના જતન માટે વૃક્ષોનું મહત્વ સમજાવ્યું હતું અને વધુમાં વધુ વૃક્ષો વાવવા માટે લોકોને પ્રોત્સાહિત કર્યા હતા.