અમરેલીના ખાંભા તાલુકાના સમઢીયાળા ગામમાં ખેતરમાં બે ખેડૂત પર હુમલો, એકનું મોત

અમરેલી જિલ્લાના ખાંભા તાલુકાના સમઢીયાળા ગામે ખેતરમાં બે ખેડૂતો પર અજાણ્યા શખ્સો દ્વારા હુમલો કરવામાં આવ્યો. આ હુમલામાં એક ખેડૂતનું ઘટનાસ્થળે જ કરુણ મોત નીપજ્યો છે.

બીજા ખેડૂતને ગંભીર ઈજા થતા તાત્કાલિક વધુ સારવાર માટે અમરેલી હોસ્પિટલ ખસેડવામાં આવ્યો છે. ઘટના પછી ગામમાં ચકચાર મચી ગઈ છે.

પોલીસે ઘટનાસ્થળે પહોંચી તપાસ હાથ ધરી છે અને હુમલાનું કારણ જાણવા કાર્યવાહી શરૂ કરી છે. પોલીસનો ચુસ્ત બંદોબસ્ત ગોઠવવામાં આવ્યો છે.