મોડાસાના ડેપ્યુટી મામલતદાર બનીને ફરતા બોગસ અધિકારીને મણિનગરથી પોલીસે ઝડપી લીધો..

અમદાવાદના-:
મણિનગરના દક્ષિણી રેલવે ક્રોસિંગ પાસેથી પોલીસે એક બોગસ અધિકારીને ઝડપી પાડ્યો છે.આરોપીની ઓળખ કિરીટકુમાર અમીન ઉર્ફે કે.બી.અમીન તરીકે થઈ છે.પોલીસે આરોપી પાસેથી મોડાસાના ડેપ્યુટી મામલતદાર અને એક્ઝિક્યુટિવ મેજિસ્ટ્રેટનું બોગસ આઈડી કાર્ડ મળી આવ્યું છે..

પોલીસના આરોપ મુજબ ગુજરાત સરકારમાં કોઈ પણ હોદ્દો ન હોવા છતાં આરોપી સરકારી અધિકારી હોવાની ખોટી ઓળખ આપતો હતો.તે લોકોને આ ખોટી ઓળખ આપીને છેતરપિંડી કરતો હોવાનું પોલીસે જણાવ્યું છે.આરોપી જયહિંદ ચાર રસ્તા પાસે વોચ ગોઠવીને ફરતો હતો.પોલીસની તપાસમાં સામે આવ્યું છે કે આરોપી અગાઉ પણ બનાવટી પોલીસ બનીને ફરવાના ગુનામાં ઝડપાઈ ચૂક્યો છે.હાલમાં પોલીસે આરોપીને ઝડપી પાડીને વધુ તપાસ હાથ ધરી છે.