પીપલોદી ગામમાં અર્ધનગ્ન પુરુષની લાશ મળી,હિંમતનગર બી.ડિવિઝન પોલીસ તપાસમાં..

સાબરકાંઠાના-:
હિંમતનગર તાલુકાના પીપલોદી ગામની સીમાથી અર્ધનગ્ન હાલતમાં એક અજાણ્યા પુરુષની લાશ મળી આવતાં ચકચાર મચી છે.પીપલોદી પ્રાથમિક શાળાના પાછળના ભાગે આવેલા ખુલ્લા ખેતરમાંથી લાશ મળી હોવાની જાણ થતાં હિંમતનગર બી.ડિવિઝન પોલીસની ટીમ ઘટના સ્થળે પહોંચી હતી..

પોલીસે ઘટના સ્થળની તપાસ હાથ ધરી મૃતકની ઓળખ મેળવવાના પ્રયાસો શરૂ કર્યા છે. મૃતકના મોતનું ચોક્કસ કારણ જાણવા માટે લાશને પોસ્ટમોર્ટમ અર્થે હિંમતનગર સિવિલ હોસ્પિટલમાં ખસેડવાની કાર્યવાહી હાથ ધરવામાં આવી છે.સમગ્ર મામલે હિંમતનગર બી.ડિવિઝન પોલીસે વધુ તપાસ શરૂ કરી છે.