સુરતના ટેક્સટાઈલ રિસર્ચરે આત્મનિર્ભર ભારત માટે ચાર નવી યાર્ન વિકસાવ્યા

ઉમેશ પટેલ, જે માત્ર ધોરણ 6 સુધીનો અભ્યાસ ધરાવે છે, 32 વર્ષથી સુરતની મેન મેડ ટેક્સટાઈલ રિસર્ચ એસોસિએશન (મંત્રા)માં કામ કરી રહ્યા છે. સામાન્ય ઓપરેટર તરીકે કારકિર્દીની શરૂઆત કર્યા પછી, તેમણે સ્પિનિંગ મશીન પર સંશોધન કરીને યાર્ન ડેવલપમેન્ટમાં રસ વિકસાવ્યો અને છેલ્લા 4 થી 5 વર્ષથી આ ક્ષેત્રમાં ખાસ ધ્યાન કેન્દ્રિત કર્યું.

તેમણે ચીન અને અન્ય દેશોમાંથી આયાત થતા ચાર ખાસ પ્રકારના યાર્ન ભારતમાં વિકસાવ્યા છે. તેમાં EV બેટરીમાં વપરાતું યાર્ન અને પર્યાવરણલક્ષી દિવેલ આધારિત યાર્નનો સમાવેશ થાય છે, જે અગાઉ ભારતમાં બનતા નહોતા અને વિદેશમાંથી આયાત કરવા પડતા હતા.

આ ઇનોવેશન બદલ ઉમેશ પટેલને ITTA ઈનોવેશન એવોર્ડ મળ્યો છે. અત્યાર સુધીમાં તેમણે 15 પેટન્ટ પોતાના નામે કર્યા છે, જેમાંથી 10 પેટન્ટ ફાઇનલ થઈ ચૂક્યા છે અને તેના પર મોટા પાયે કામ ચાલી રહ્યું છે.

આ સિદ્ધિ આત્મનિર્ભર ભારતની દિશામાં મહત્વપૂર્ણ પગલું છે, જે સ્થાનિક ઉત્પાદનને પ્રોત્સાહિત કરે છે અને ટેક્સટાઈલ ઉદ્યોગમાં નવી ટેકનોલોજી લાવે છે.