રાજકોટના રૈયા ગામમાં ગેસ સિલિન્ડર લીકેજ થતાં ઘરમાં લાગી આગ, પરિવારમાં મચી અફરાતફરી

રાજકોટના રૈયા ગામમાં ગેસ સિલિન્ડર લીકેજ થવાને કારણે એક રહેણાંક ઘરમાં અચાનક આગ લાગવાની ઘટના સામે આવી છે. ઘરમાં અચાનક આગ ફાટી નીકળતા જ પરિવારના સભ્યોમાં ભારે અફરાતફરી અને ભયનો માહોલ સર્જાયો હતો.

પ્રાપ્ત વિગતો અનુસાર, રૈયા ગામમાં આવેલા આ ઘરમાં ગેસ સિલિન્ડર લીકેજ થવાના કારણે આગ લાગી હતી. આગની આ ઘટનાને પગલે આસપાસના વિસ્તારમાં પણ ચિંતા વ્યાપી ગઈ હતી અને લોકો એકત્ર થઈ ગયા હતા.

આ ઘટના અંગે ફાયરબ્રિગેડને જાણ કરવામાં આવતા જ ફાયર ફાઈટરોની ટીમ તાત્કાલિક ઘટનાસ્થળે દોડી ગઈ હતી. ફાયરબ્રિગેડના જવાનોએ ઘટનાસ્થળે પહોંચીને આગ પર કાબૂ મેળવવાની કામગીરી યુદ્ધના ધોરણે હાથ ધરી હતી.