સુરતના ઉમરપાડા કોલેજમાં મેગા કેમ્પસ પ્લેસમેન્ટ ડ્રાઇવ: ટેકનિકલ કૌશલ્યથી આત્મનિર્ભર ભારત

સુરત જિલ્લાના ઉમરપાડા તાલુકાની સરકારી વિનયન, વાણિજ્ય અને વિજ્ઞાન કોલેજમાં મેગા કેમ્પસ પ્લેસમેન્ટ ડ્રાઇવ યોજાઈ હતી.

ગુજરાત સરકારના ઉચ્ચ શિક્ષણ વિભાગના પ્લેસમેન્ટ સેલ દ્વારા વિદ્યાર્થીઓને સ્થાનિક સ્તરે નોકરીની તકો આપવા આ ડ્રાઇવનું આયોજન કરાયું હતું.

કોલેજના આચાર્ય પ્રોફેસર એસ.જી. બાગુલે જણાવ્યું કે, આજના સમયમાં માત્ર પુસ્તકીય જ્ઞાન પૂરતું નથી. ટેકનિકલ કૌશલ્ય મેળવીને આત્મનિર્ભર બનવું ખૂબ જરૂરી છે. તેમણે યુવાનોને નોકરી શોધનારા બનવાને બદલે નોકરી આપનારા બનવા અને આત્મનિર્ભર ભારતનું સપનું સાકાર કરવા અપીલ કરી હતી. આ સાથે તેમણે પર્યાવરણ બચાવવાનો સંદેશ પણ આપ્યો.