રાજકોટના પડવલા ઇન્ડસ્ટ્રીઝમાં પ્લાસ્ટિક કંપનીમાં ભીષણ આગ, ત્રણ કલાકની મહેનત બાદ કાબૂ

રાજકોટના પડવલા ઇન્ડસ્ટ્રીઝમાં આવેલી JK Polymers કંપનીમાં સવારે સાડા પાંચ વાગ્યે ભીષણ આગ લાગી હતી. આગના કોલ મળતાં ઘટનાસ્થળે દોડધામ મચી ગઈ હતી. આગથી પ્લાસ્ટિકનો મોટો જથ્થો બળીને નાશ થયો છે.

આગને કાબૂમાં લેવા માટે શાપર-વેરાવળ અને ગોંડલ ફાયર બ્રિગેડની મદદ લેવાઈ હતી. ફાયર બ્રિગેડની ટીમોએ ભારે જહેમત બાદ ત્રણ કલાકની મહેનત બાદ આગ પર કાબૂ મેળવ્યો હતો.

આગનું ચોક્કસ કારણ જાણવા માટે તપાસ શરૂ કરવામાં આવી છે. ઘટનામાં કોઈ જાનહાનિ થઈ હોવાની માહિતી મળી નથી.