ભરૂચમાં વરસાદે વૃક્ષ અને વીજ પોલ ધરાશાયી, વિસ્તારમાં વીજળી ખોરવાઈ

ભરૂચ શહેરના વોર્ડ નં. 9માં આવેલા બી ડિવિઝન પોલીસ સ્ટેશન નજીક ગાયત્રી નગર વિસ્તારમાં વરસાદી માહોલમાં વૃક્ષ ધરાશાયી થયો હતો. આ ઘટનામાં વૃક્ષ પડતાં નજીકના વીજ પોલ પણ પડી ગયા હતા.

વીજ પોલ ધરાશાયી થવાને કારણે ગાયત્રી નગર વિસ્તારમાં વીજ પુરવઠો ખોરવાયો હતો. સદનસીબે આ ઘટનામાં કોઈ જાનહાનિ થઈ નથી.

બીજી તરફ, વિસ્તારમાં જર્જરિત ઇમારતોને લઈને સ્થાનિક રહેવાસીઓમાં ભયનો માહોલ જોવા મળી રહ્યો છે. સ્થાનિકોએ તંત્ર પાસે આ સંદર્ભમાં તાત્કાલિક કાર્યવાહી કરવાની માંગ કરી છે.