વિરમગામ તાલુકાના કરકથલ ગામે પાણીની મોટર બંધ કરવા જતા વીજ કરંટ લાગતાં મહિલાનું કરુણ મોત

વીરમગામ તાલુકાના કરકથલ ગામમાં પોતાના રહેણાંક મકાનમાં પાણીની મોટર બંધ કરવા જતાં મહિલાને વીજ કરંટ લાગતાં કરુણ મોત નીપજ્યું હતું.
મળતી માહિતી મુજબ, કરકથલ ગામે રહેતા મનિષાબેન રણજીતભાઈ ગલાભાઈ ખુડદિયા (ઉંમર 26 વર્ષ) પોતાના ઘરે પાણીની મોટર બંધ કરવા ગયા હતા. દરમિયાન તેમના હાથના ભાગે અચાનક વીજ કરંટ લાગતાં તેઓ ગંભીર રીતે દાઝી ગયા હતા.ઘટનાની જાણ થતાં પરિવારજનો દ્વારા તેમને સારવાર માટે લઈ જવાના પ્રયાસો કરવામાં આવ્યા હતા, પરંતુ તેમનું મોત નીપજ્યું હતું. ત્યારબાદ મૃતદેહને પોસ્ટમોર્ટમ માટે વીરમગામની સરકારી હોસ્પિટલ ખાતે ખસેડવામાં આવ્યો હતો.
સમગ્ર બનાવ અંગે વીરમગામ રૂરલ પોલીસે નોંધ કરી વધુ તપાસ હાથ ધરી છે.
રિપોર્ટર.
આસીક અલી ગીલાણી
વિરમગામ