સુરતના ઓલપાડમાં ડમ્પર અને એક્ટિવા અથડામણ, યુવતીનું ઘટનાસ્થળે મોત

સુરતના ઓલપાડ તાલુકાના સાયણ-દેલાડ રોડ પર ડમ્પર અને એક્ટિવા વચ્ચે સર્જાયેલા ગમખ્વાર અકસ્માતમાં 28 વર્ષીય યુવતીનું ઘટનાસ્થળે જ કરુણ મોત નિપજ્યું છે. આ ભયાનક અકસ્માત બાદ ઘટનાસ્થળે લોહીના ખાબોચિયા અને વેરવિખેર યુવતીના શરીરના ભાગોને પગલે લોકોમાં ભારે અરેરાટી વ્યાપી ગઈ હતી.

આ સમગ્ર ઘટનાના સીસીટીવી ફૂટેજ પણ સામે આવ્યાં છે. જેમાં જોવા મળી રહ્યું છે કે યુવતીનું શરીર ડમ્પરના આગળના ટાયરમાં અડફેટે લીધા બાદ પાછળના ટાયરમાં ખેંચાયું હતું. જેને પગલે રોડ પર લોહીના લિસોટા અને માંસના લોચેલોચા પડ્યા હતા, જેથી દ્રશ્યોને જોઈને લોકોમાં ભારે ભય અને અરેરાટી ફેલાઈ ગઈ હતી.