ସ୍କୁଲ ଗେଟ୍ ସାମ୍ନାରେ ଶିକ୍ଷକଙ୍କୁ ମାରି ଲହୁଲୁହାଣ କଲେ ଦୁର୍ବୃତ୍ତ

ମିଳିଥିବା ସୂଚନା ଅନୁସାରେ, ପିଏମ. ଶ୍ରୀ. ବାଲୁଙ୍କେଶ୍ୱର ହାଇସ୍କୁଲର ଏଲ୍‌ଟିଆର୍ ଶିକ୍ଷକ ଭବାନୀ କୁମାର ଦାସ ପ୍ରତିଦିନ ଭଳି ଆଜି ନିଜ ସ୍କୁଟି ଯୋଗେ ସ୍କୁଲକୁ ଯାଉଥିଲେ। ସ୍କୁଲ ଗେଟ୍ ନିକଟରେ ପହଞ୍ଚିବା ସମୟରେ, ପୂର୍ବରୁ ଛକି ରହିଥିବା ଜଣେ ଅଜଣା ଦୁର୍ବୃତ୍ତ ଏକ କାଠ ଫାଳିଆରେ ତାଙ୍କ ମୁଣ୍ଡକୁ ସଙ୍ଘାତିକ ଆକ୍ରମଣ କରିଥିଲା।
ଆକ୍ରମଣ ଏତେ ତୀବ୍ର ଥିଲା ଯେ ଶିକ୍ଷକ ଜଣକ ଘଟଣାସ୍ଥଳରେ ହିଁ ରକ୍ତ ଜୁଡୁବୁଡୁ ଅବସ୍ଥାରେ ମୂର୍ଛା ହୋଇ ତଳେ ପଡ଼ିଯାଇଥିଲେ । ଆକ୍ରମଣ ପରେ ସ୍କୁଲର ଅନ୍ୟ ସହକର୍ମୀ ଶିକ୍ଷକମାନେ ତାଙ୍କୁ ତୁରନ୍ତ ଉଦ୍ଧାର କରି ଚିକିତ୍ସା ପାଇଁ ଖଲ୍ଲିକୋଟ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ।ଖବର ପାଇ ଖଲ୍ଲିକୋଟ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୂର୍ବଶତ୍ରୁତାକୁ କେନ୍ଦ୍ର କରି ଏହି ଆକ୍ରମଣ ହୋଇଥିବାର ସନ୍ଦେହ କରାଯାଉଛି ।