શીતળા સાતમ નિમિતે શ્રદ્ધાળુઓની ભીડ

શીતળા સાતમ નિમિત્તે લીંબડીના છાલિયા તળાવ ખાતે શ્રદ્ધાળુઓની ભારે ભીડ

લીંબડી, સુરેન્દ્રનગર: શીતળા સાતમના પાવન પર્વ નિમિત્તે સુરેન્દ્રનગર જિલ્લાના લીંબડી શહેરના છાલિયા તળાવ ખાતે શ્રદ્ધાળુઓનો માનવ મહેરામણ ઉમટી પડ્યો હતો. વહેલી સવારથી જ મોટી સંખ્યામાં ભક્તો છાલિયા તળાવ ખાતે પહોંચ્યા હતા અને ધાર્મિક વિધિ મુજબ પૂજા-અર્ચના કરી શીતળા માતાજીના દર્શનનો લાભ લીધો હતો.

શીતળા સાતમ પર્વને લઈને સમગ્ર વિસ્તારમાં ભક્તિમય માહોલ જોવા મળ્યો હતો. તળાવ ખાતે મોટી સંખ્યામાં શ્રદ્ધાળુઓ ઉમટી પડતાં મેળાવડા જેવું વાતાવરણ સર્જાયું હતું. મહિલાઓ સહિત મોટી સંખ્યામાં ભક્તોએ ધાર્મિક પરંપરા મુજબ પૂજન-અર્ચન કરી પરિવારની સુખ-શાંતિ અને સમૃદ્ધિ માટે પ્રાર્થના કરી હતી.

છાલિયા તળાવ ખાતે શ્રદ્ધાળુઓની સુવિધા અને વ્યવસ્થા જળવાઈ રહે તે માટે સ્થાનિક સ્તરે પણ જરૂરી વ્યવસ્થાઓ કરવામાં આવી હતી. શીતળા સાતમના પાવન પર્વે લીંબડીમાં આસ્થા, શ્રદ્ધા અને ભક્તિનો અનોખો સંગમ જોવા મળ્યો હતો.

પત્રકાર - નિલેશ માધર
Need 24 News हर खबर, हर शहर